КРАЯЗНАЎЧЫ МУЗЕЙ “СПАДЧЫНА”
Спасылка на віртуальны музей “Спадчына”
Патэнцыял музея шырока выкарыстоўваецца ў працэсе ажыццяўлення навукова-даследчай і вучэбна-метадычнай дзейнасці.
Асноўныя напрамкі дзейнасці музея: інфармацыйна-пазнаваўчая работа, пошукавая работа, фондавая работа, сустрэчы з заслужанымі і вядомымі людзьмі.
Музей прапануе наведвальнікам наступныя экскурсіі:
“Яны прайшлі дарогамі вайны”;
“Вязні нацызму”;
“Мікалай Мітрафанавіч Спадар – партызан, франтавік, настаўнік”;
“Афганістан у лёсе маіх землякоў”;
“Славутыя землякі”;
“Ад прадзедаў спакон вякоў нам засталася спадчына”;
“Майстры слова і пяра”.
Музейны фонд складаецца з наступных калекцый: прадметы побыту і этнаграфіі, дэкаратыўна-прыкладное мастацтва, дакументы, друкаваныя выданні, фотадакументы. У асноўным фондзе музея знаходзіцца 185 музейных прадметаў, у дапаможным фондзе –152.
Найбольш каштоўныя музейныя прадметы:
сякера XV ст.;
кісет скураны;
фотаапарат “Любитель” (1950–1956 года выпуска).
Экспазіцыі музея
Экспазіцыя “Яны прайшлі дарогамі вайны” прысвечана ўдзельнікам і падзеям Вялікай Айчыннай вайны, звязаных з мікрараёнам былой Баранавіцкай базавай школы. У цэнтры экспазіцыі артыкул “Загад генерала Фогеля” аб вызваленні роднага краю ад нямецка-фашысцкіх захопнікаў, спіс ветэранаў Вялікай Айчыннай вайны, што пражывалі на тэрыторыі ДП “Малюшычы”, успаміны ветэранаў.
Экспазіцыя “Вытокі” утрымлівае інфармацыю, экспанаты і калекцыі, прысвечаныя творчасці людзей мікрараёна былой Баранавіцкай базавай школы. Гэта браты Логіны (Язэп і Андрэй) з вёскі Моладава, якія сабралі і захавалі для нас фальклор пачатку ХХ стагоддзя. У музеі ёсць матэрыялы пра Алу Петрушкевіч, кандыдата філалагічных навук, аўтара зборнікаў “Іду па слядах тваіх”, “Пярсцёнак”, “Шчонаўскія абразкі”, пра Аляксандру Панасенка, аўтара кніг “Мая малітва” і “Откровение”. Таксама ў музеі захоўваюцца карціны, падараваныя мастаком з вёскі Баранавічы Мікалаем Панасенка.
Экспазіцыя “Дарогамі Афгана” утрымлівае ў сябе звесткі пра воінаў-афганцаў Малюшыцкага сельскага савета. Найбольш поўная інфармацыя сабрана пра Васіля Федараку, які загінуў, выконваючы свой інтэрнацыянальны абавязак. Тут сабраны копіі фотаздымкаў, узнагародных дакументаў, пісьмаў да маці.